Isang Boto

Bumoto ka. Wag mong idahilan na “isang boto lang naman e” dahil hindi lang ikaw ang nagiisang nagdadahilan ng ganyan. Marami kayo. Imultiply mo yang pinagngangawa mong “isang boto lang” sa dami ninyong pare-parehong magisip at magugulat ka sa dami ng katumbas ng ISANG BOTO mo.

Hindi lang ang Bansa mo, ang Pilipinas, ang may pananagutan sa iyo bilang mamamayan nya, pananagutan mo rin ito. Ikaw ang huhubog ng kung anong kalalabasan ng ating bansa. Kung anong mukha ng Bansang kinabibilangan mo, ay siya ring sumasalamin sa iyong pagkatao sa Paningin ng iba pang mga bansa. Alagaan mo ito, and that should start by Voting — and when I say voting, you should always include the word “wisely.”

Diskriminasyon nila manong guard

Hindi ako mapormang tao. Actually pakiramdam ko nga minsan jologs ang tingin sa akin ng iba jan. Okay lang naman. Di naman kasi ako nageeffort talaga. Di rin ako mahilig bumili ng mga damit. Nagkakasya na ako sa mga bigay. Salamat nga sa misis ko kung hindi dahil sa kanya baka up until now since birth, 10x pa lang ako makabili ng damit kasi before I got married naka-3 pa lang ako…hehehe.. At saka isa pa kuripot kasi talaga ako pagdating sa mga damit-damit na yan, as in hanggang ngayon feeling ko anything na above 100php sa damit, 300php sa sapatos at 200php sa pantalon ay mahal. Bagay na kinaiinis sa aking ng aking butihing maybahay. Iniisip ko lang kasi na innate na kasi ang aking kagwapuhan kaya kung poporma pa ako ng maayos e redundant na. LOLS!

Isa rin sa mga ugali ko ang magdress down pag marami bagong sahod or marami akong dalang pera, at pumorma naman ng medyo maayos kapag wala. Siguro ginagawa ko un para di ko masyadong maramdaman na mas mahirap pa ako sa daga at that moment…hehe..ewan!

*****

Heniways, eto na nga, actually reklamo tong post ko na to sa ating mga magigiting na guards. Dito sa building ng opisina kasi namin, sinubukan ko sila. For the past quarter, may mga weeks na medyo pumuporma talaga ako and weeks na hindi. Napansin ko lang, never pumalya, sa mga days na nakaporma ako, they won’t ask for my ID. Isa pa sa napansin ko, kapag hawak ko ang cellphone ko at kunyaring nagtatype, di rin sila humihingi ng ID. Isang beses pa nga, marami akong kasabay, and I know mas malaki sahod ko sa kanila (joke) pero ako lang ang hinarang at hiningian ng ID, na kung tutuusin ang pinagkaiba lang e nakapolo sila, at ako naka-Tshirt.

Isang pangyayari pa ay noong nagttrabaho pa ang misis ko na madaling araw ang pasok nya, around 4am or 5am ata. Minsan hinahatid ko siya, nakashorts lang ako and shirt. Well, hindi lang naman ako ang pumasok dun na nakaganun lang, may mga porener din, pero guess what, nung andun na ako sa floor ng office nila and my wife went inside to get me something, inakyat ako ng MGA guards. Why? Nung nagtetext ako at napatalikod ako sa CCTV nila akala nila nagtatanim ako ng bomba.

****

Maraming beses nang may nababalitaan tayong mga krimen na nagaganap sa loob ng buildings, malls, kahit pa may mga guards dito. May mga patayan, kidnappan, holdups, bomb scares at marami pang iba. Madalas, ang dahilan e nakakapuslit sila makapagpasok ng mga bagay na hindi nila dapat naipasok sa buildings like guns, knives, bombs, etc. Pero bakit nakakalusot ang mga ganito? 2 bagay, tamad magtrabaho ng guards at diskriminasyon. Sa mata ng karamihan sa mga guwardiya: pag nakapolo/dress ang tao, mabait, pag nakasimpleng pananamit, kahinahinala; Pag foreigner, hindi gagawa ng masama; Kapag muka kang kargador, potential criminal ka.

***

Hindi ako nagrereklamo kung maging istrikto sa security. Kapkapan lang nila ako ng kapkapan (kahit madalas nakakapa nila ang mukhang baril na nakatago sa aking pantalon), icheck ng icheck ang aking bag, ipabukas ang regalong pinaghirapan kong ibalot, busisiin maiigi kung ako ba ang nasa picture sa dala kong ID, basta dapat maging fair at pantay-pantay ang tingin sa lahat.

*picture nakuha ko dito: http://fc04.deviantart.net/fs71/i/2010/197/2/8/Manong_Guard_2_by_redg404.jpg

Bumuhos man ang Ulan

HONGEENET na diba?! As in Sobra.

Minsan it makes me think, Is it the weather or am I just f*#king hot? LOLS!

heyniways, update lang sa aking singing career (lels!), simula ng nagpost ako ng ad sa sulit.com.ph about us, our band, offering our service for weddings and other events, medyo dumami ang booking namin. Extra pera din yan, kaya laking tulong. Actually, last March lang naka-2 kami, sayang nacancel ung isa dun, at simula November, monthly may at least isa kaming booking..yey!

At eto na nga, isa sa mga video na kinunan sa simbahan habang kinakanta ko ang request for the bridal entourage na Bumuhos man ang Ulan by Jericho Rosales sa Drama shitness GreenRose sa dos.. Pagpasensyahan na ang nagvideo, malikot, pinili nya ung mongoloid-like angle ko, pakingshet siya..lols! Pero seriously, thank  you sa kanya bilang di ko naman siya kilala, nagkawanggawa lang siya :p

Gwiyomi

Sorry sa mga may peyborit sa kantang ito, pero simula pa lang iritang irita na ako nung narinig ko to, isama mo pa ang sandamakmak na “PACUTE” videos ng mga taong kulang ng hiya sa katawan. If there’s any consolation, may mga “ATE” din naman na kaaya-aya sa paningin na nagcover nito, salamat sa gandang di mo inakala. LOLS!

Pero nagbago ang lahat nung napanood ko tong video na to:

*Ung anak ko nasa gitna, sumingit na lang bigla sa pacute video ng 2 kong kapatid (wag nyo na lang sila pansinin..hehehe)

Siguro dahil sa kapapanood ko nitong video na halos umaaverage na ng 1000x per day, nagiging katunog na ng Gwiyomi ang mga kanta ng Incubus sa aking pandinig

Kunsensya de Bobo

Sinabi mo raw sa pinsan ko na sinabi ko daw sayo na nung time na nagka-ayos tayo na “wag mo na bayaran ung interest, magagalit ako.” WALANG KATOTOHANAN. Hindi naman siguro ako tanga para gapanging bayaran ang 50k+ na utang sa credit card natin para sabihin lang yun sayo. Siguro qualified na akong maging “santo” kung ganun. At kung sakaling sinabi ko man o hindi ung claim nyo na “wag mo na bayaran ung interest, magagalit ako,” common sense na lang yan. Konsensya de bobo. Bayaran mo pa rin ang utang mo. For a fact, nung pinacut ko ung credit line ko, 20% to 30% lang ng utang ung sa akin. Nung first year ng credit card natin, binabayaran ko monthly ng buo ang bills ko, ikaw fraction lang ng credit mo, minsan wala pa nga sa minimum. Sinalo ko noon ung interest. Ako nagbayad.

Hanggang sa nagkaroon na nga tayo ng di pagkakaintindihan dahil sa credit card na yan. Nung minsang may gusto kang bilihin, hindi tinanggap ng cashier ung card. Maxed out na raw. Nagalit ka sa akin nun. Remember, sinugod pa ako ng anak mo kasi nung tinanong mosa akin bakit nagkaganun, you accused me of not telling you my purchases? Where in essence, nung nareceive ko ung billing statement, nabigla na lang ako mga purchases nyo. Ultimong 30php na halaga ng binili nyo sa shopwise, naka-credit card. Ako pa ang masama.

Never akong naningil sa inyo, liban dun sa ilang pagkakataon na nagagalit na sakin si mama dahil pinapadalhan na ako ng mga demand letters. Siya nagutos sa pinsan ko na makiusap sayo na magbayad kahit papaano. You gave me 5 or 7 thousand nung una, 1,500 nung ikalawa. That’s the last, at ang sabi, in your most belittling tone, babayaran ko yan ng buo pagdating ng anak ko galing Dubai. WALA akong natanggap kahit piso pag-uwi nya. Again, hindi ako naningil.

Ngayong magka-away nanaman tayo because of some family misunderstandings, HINDI parin kita pinuntahan para maningil despite all the advices from my  mother to do so. NGAYON ko lang ntapos bayaran ung utang sa credit card for more than 6 years na kakatubo ng interest. Alam mo bang ilang demand letter na natanggap ko? alam mo ba ang hirap ko bayaran un monthly? HINDI. Hinayaan ko na lang.

Ngayon ganyan lang pala idadahilan mo? I HAVE BEEN WAITING FOR THAT PROMISE NA BINITAWAN MO, “Wag ka mag-alala, babayaran ko lahat pag-uwi ng anak ko galing Dubai.” Nasaan na?

AT for sure ako nanaman ang lalabas na masama at sinungaling, mukhang pera at “IMPOKRITO.” ako nanaman ang mapride na ayaw makipagbati, kahit ako ang unang gumawa ng move na makipagayos sa papamagitan ng paginvite sa iyo sa birthday ng anak ko at ang sinagot nyo ay ang pagblock ng buong pamilya mo sa mga account naming mag-iina. AKO ULI ANG MASAMA NITO FOR SURE kasi ako ang bata at kayo ang mga matatanda.

Diba, TITA?

Lomi

Masarap kumain ng lomi. Mainit sa pakiramdam, nakakabuhay ng diwa! Sa bawat higop ng sabaw, napapawi ang gutom, ang antok, minsan pati pa nga problema.

 

Nung mga panahong madalas kong sinusundo sa gabi ang aking ex-girlfriend [ asawa ko na kasi ngayon ], madalas na lomi ang kinakain namin sa labas. Bukod kasi na kadalasang 24 hours na bukas ang mga lugawan/tapsihan na nagbebenta din ng lomi dito sa Antipolo, nakakapawi talaga ng pagod at gutom ito. Di nga nagtagal, ung paborito naming kainan ng lomi naging kaibigan na namin. Actually, ung catering services pa nila ang hinire namin for our wedding. Tuluyan na nga itong naging parte ng aking buhay.

Minsan na ring nakatulong sa akin ang lomi. Naalala ko minsang nasa byahe ako. Antok na antok ako. Nakatulog ako. Nagising ako malapit na akong bumaba ng jeep. Pero antok na antok pa rin ako. Problema to. Pumipikit pikit mata ko. Nang biglang dumating ang lomi to the rescue.

Nasa hita ko. Sinerve sa akin galing sa bibig ng katabi kong bata.

Gelo, ang laki ng tiyan mo…

…okay lang yan, magaling kasi mag-alaga ang asawa ko at maraming akong pambili ng pagkain.

 

LOL! sa palusot ko..hahahaha…